Кели Озборн која беше дел од модното жири на Fashion Police на програмата E!, го напушти своето место. Имено, Кели реши да се тргне од целата програма на E!, токму поради коментарите упатени кон Зендаја Колеман од страна на нејзината колешка Џулијана Ранзик. Таа се постави навистина навредливо, кога кажа дека Зендаја изгледала како марихуана.
Но, според објаснувањето на Кели, не е виновен само коментарот на Џулијана туку и однесувањето на целата екипа на E!, која не преземала ништо во врска со тој коментар. Откако таа се откажа, имаше мноштво коментари од типот дека токму продукцијата побарала Кели да си поднесе отказ, за да не ја испуштат самите.
Сепак, по се изгледа дека нејзиното место нема за долго време да биде непополнето. Магазинот People потврди дека Клои Кардашијан е заинтересирана да седне на местото на Кели. Досега многупати сме ја гледале како гостинка во Fashion Police и мошне добро се води со сите коментари, а исто така гостувала и на вестите на оваа програма за да го промовира нивното ново релано шоу, Kourtney & Khloe Take the Hamptons.
Иако оваа информација се уште не потврдена, шоуто ќе се врати на 30 март, а токму тогаш ќе видиме дали Клои ќе биде новата судијка.