Според некои извори, Ел Макферсон (50) и нејзиниот маж сакаат да добијат дете со помош на сурогат мајка. Овој супермодел, кој веќе има два сина, Арпад Флин Бејсон Аурелиус (17) и Саја Ендру Бејсон (12), се одлучила за сурогат мајка бидејќи веќе година ипол не и тргнало од рака да затрудни по природен пат.
Ел, која оваа недела ќе наполни 51-на година и Џефри Шофер (45) се венчаа на Фиџи 2013-та година и од тогаш сакаат уште едно дете.
- После неколку месеци сфативме дека нема да добиеме дете по природен пат, а бидејќи за посвојување не размислуваме, се одлучивме за сурогат мајка. Ел смета дека паметно постапила бидејќи од пред некоја година замрзнала јајце клетки, рече извор близок до парот.
Сурогат мајката според овој извор е во 30-те години, но останатите детали остануваат непознати.
Ел и Џефри започнаа да се забавуваат во 2009-та година, а во април 2012-та раскинаа. Седум месеци покасно се смирија кога Џефри доживеа сообраќајна несреќа. Се венчаа во 2013-та и од тогаш се обидуваат да добијат бебе. Изгледа тој сон наскоро ќе им се оствари.