Парите купуваат многу нешта, но не и влез во елитниот ноќен клуб Sohо во Лос Анџелес.
Според пишувањата на The Hollywood Reporter, реалити ѕвездата Ким Кардашијан наишла на затворена врата откако посакала да добие членство во клубот. Поранешниот менаџер на местото,Тим Гери откри дека КК неколку пати безуспешно се обидувала да стане дел од елитното друштво, но секој пат кога аплицирала била одбивана.
-Влезот е забранет и за дамите од „Real Housewife“. Постоеше дебата и за Бритни Спирс. Не сум сигурен како заврши тоа. Вообичаено не им даваме членство на луѓе кои постојано се на метата на папараците или ги носат новинарите, вели Гери.
Кардашијан е една од многуте кои досега безуспешно аплицирале за членство, но биле одбиени поради големото медиумско внимание кое е фокусирано на нив.
Старлетата досега имаше проблем да се најде и на насловната страна на магазинот Vogue поради уредничката Ана Винтур. Сепак, желбата и се исполни благодарение на сопругот Каније Вест кој добро стои со Винтур.