Прекрасната манекенка Жизел Бундшен пред два дена за последен пат прошета на модната писта, решавајќи да се пензионира од оваа професија, која ја направи една од најуспешните жени во светот. Тоа беше ревијата на брендот Colcci на модната недела во Сао Паоло.
Нејзиниот сопруг, Том Брејди, не можеше да и’ даде поголема поддршка за овој нејзин чекор. Покрај тоа што додека Жизел за време на ревијата се пресоблекувала три пати, тој ја бодрел од публиката, туку после ревијата, Брејди одлучил своите чувства кон беспрекорната сопруга да ги пренесе на Facebook, каде и’ напиша кратко љубовно писмо кое го сподели со целата јавност.
Не само згодниот, туку и романтичниот, Брејди напишал:
„Ти честитам, љубов на мојот живот. Ме инспирираш секој ден и заради тебе станувам сè подобра личност. Многу сум горд на тебе и на сето она што го имаш постигнато на модната писта. Никогаш не сум запознал некој со поголема желба за успех и одлучност да ги совлада сите можни препреки на патот. Никогаш не престануваш да ме изненадуваш. Никој не го сака животот повеќе од тебе, а твојата убавина е многу подлабока од она што можат да го видат очите. Едвај чекам да видам што е следно. Те сакам.“
После ова можеме само да кажеме: Момци, гледајте и учете!