Гвинет Палтроу несомнено е една од жените во Холивуд кои како што стареат изгледаат сè подобро.
Четириесет и две годишната ѕвезда неодамна даде интервју за магазинот Women's Health во кое зборува за својот режим на исхрана, но воедно својот приватен живот.
- Верувам во тоа дека треба да се има секс и се чувствувам многу поудобно во костим за капење отколку што се чувствував пред 20 години, вели Палтроу и додава дека секојдневно се води по иста рутина.
- Ги оставам децата во училиште. Потоа вежбам еден час и одам на работа. За ручек вообичаено јадам голема салата со пилешко на скара, додека за вечера можам да јадам сè што сакам. Вообичаено тоа е пилешко со брокули или паста или печено пилешко и компири.
Иако не коментираше дали е во врска со Бред Фалчук, посочи дека може да ја задржи маж кој е сериозен во своите намери.
- Ако влезам во врска во овој период од животот, тоа ќе мора да биде однос што вреди за одржување, знаете на што мислам нели? Немам време ниту желба, изјави холивудската актерка.