Таа е една од најбараните фото модели и најпосакуваните девојки во светот, која помина пет години од својот живот заедно со фудбалерот Кристијано Роналдо. Сепак, сега си најде подобар избор, односно вистински маж – Бредли Купер. Но, додека да стигне до она што е денес, не го живеела животот како под конец.
Ирина Шајк пораснала во сиромашен руски рударски град, Јеманжелински. Нејзиниот татко, кој работел во локален рудник, починал поради акутна болест на белите дробови во своите 40-ти години, а потоа со семејството живееле навистина тешко.
Ирина со сестра и Татјана и мајка и Олга
Зградата во која живееле
-Бевме многу сиромашни. По училиштето, со сестра ми и помагавме на мајка ми одгледувајќи компир, краставици и домати, па така преживувавме, изјавила познатата манекенка.
Од татко и го наследила темниот тен, а од мајка и светлите очи. Во родниот град речиси сите имале пофални зборови за неа. Велат дека отсекогаш привлекувала внимание со убавината и поразличниот изглед, но дека била скромна и добра ученичка. Со сите се сложувала и не била воопшто арогантна.
-Сакав да станам новинарка, но сепак животот ме однесе во друг правец. Не бев сигурна со што ќе се занимавам, но знаев дека ќе го напуштам родниот град.
Големо влијание врз неа имала баба и од мајка, која била една од ослободителите на Берлин. Нејзината мајка случајно видела оглас за во училиште за убавина, но помислила на другата ќерка, Татјана.
Сепак, кога отишле таму, сите ја забележале Ирина која случајно отишла со сестра и. Потоа на 18 години заминала во Москва на натпреварот за убавина Мис Чељабинск 2004 година. Таму ја забележале новинарите, кои и помогнале да направи портфолио. Потоа, штом ја виделе и на запад, веќе и бил сигурен патот за успешна кариера.