Минатогодишната победничка на Евровизија, Австријката Кончита Вурст има желба да се запознае со рускиот претседател, Владимир Путин, за да дознае како е во негова кожа.
-Со задоволство би се сретнала и би сакала да поминам најмалку недела дена со него, бидејќи тогаш би знаела како е да се биде Путин, изјавила Кончита.
Пејачката смета дека животот не е совршен, дека постојат работи во општеството кои ја прават бесна, но таа не се грижи за сечие мислење. Кончита сака само да му ја пренесе на Путин пораката на LGBT заедницата. Исто така, се надева дека еден ден ќе дојде до луѓето кои имаат поголемо влијание, за да им помогне да ја зголемат толеранцијата.
Неодамна го објавила својот прв дебитантски албум, кој како победничка на Евровизија достигнал огромен успех. Исто така, Кончита има објавено и автобиографија, која е преведена на шест јазици. Со 26 години и со оглед на нејзината трансформација, Кончита привлекува огромно внимание во светот.