„Бескорисен е“ вели Хоуп ван Дајн (Еванџелин Лили) на крајот од најновиот клип кој Marvel го објави на малку повеќе од 2 недели од премиерата на Ant Man, најновиот блокбастер.
Од клипот може да се забележи самиот Скот Ленг/Ant Man (Пол Руд) како со инструкциите од Хенк Пим (Мајкл Даглас) го тестира костимот на Ant Man, но тестот не оди според планираното.
Ханк и Хоуп се разочарани од тоа како Ant Man го користи костимот, но самиот клип покажува дека филмот адаптиран од стрип кој не е толку познат за генералната јавност има хумор кој ќе го направи поприфатив и забавен.
Режисерот Едгар Рајт требаше да го режира Ant Man, но по несогласувањата со Marvel и креативните разлики со студиото се откажа од режирање на филмот и сега е само еден од ко-сценаристите.
Довербата за режирање на Ant Man му беше доверена на Пејтон Рид, а покрај Пол Руд, Лили и Даглас во останатите улоги ќе имаме можност да ги видиме и одличните Кори Строл, Боби Канавел, Мајкл Пења и Џуди Грир.
Премеирата во САД е закажана за 17-ти јули, во Cineplexx кино салите во Скопје, еден ден претходно на 16-ти јули.