Јулијан Мур во февруари освои Оскар за главна женска улога за драмата Still Alice.
Но, сега Оскаровката ќе ни се претстави со нов проект и нова драма, овој пат инспирирана од вистински настан. Во Freeheld, Џулијан ќе биде Лаурел Хестер, детектив од Њу Џерси. Откако ќе ја запознае многу помладата Стејси Андре (Елен Пејџ), на Лаурел ќе и биде дијагностициран рак во подомината фаза, и откако ќе и биде кажано дека не и преостанува премногу време за живот, таа ќе посака да стапи во домашно партнерство со Стејси, за откако ќе умре да и се препише нејзината пензија од полицијата.
Но, бидејќи во тој период цивилните бракови и партнерства не биле легално признаени, препишувањето не и било дозволено. Таа со нарушена здравствена состојба ќе се обиде да ја добие судската битка со државата, а во битката ќе и помогне и Стив Голдстејн, активистот за човечки права (Стив Карел).
Покрај Џулијан Мур, Елен Пејџ и Стив Карел во останатите улоги ќе ги видиме и одличните Мајкл Шенон, Џош Чарлс и Лук Грајмс.
Филмот во режија на Питер Столер е адаптација на краткиот документарен филм од 2007-ма година со исто име кој освои Оскар за најдобра краток документарец следната 2008-ма година.
Премиерата на Freeheld е закажана за 2-ри октомври оваа година, а до тогаш погледнете го првиот трејлер.