Бен Менделсон е еден од најдобрите а најпотценетите актери во Холивуд. Австралијанецот до сега изгради импресивна кариера глумејќи во филмовите на најдобрите режисери, ја доби почитта од колегите со одличните перформанси, а сепак ужива речиси анонимен статус кај публиката.
Но, фановите на Бен се надеваат дека со најновиот проект Mississippi Grind сето тоа ќе се промени. Менделсон во Mississippi Grind, (филмот на Ана Боден и Рајан Флек) ќе биде Гери. Средноевечен човек со тешка зависност од коцкање. Во долгови и пред банкрот тој на масата за покер случајно ќе го запознае Кертис (Рајан Рејнолдс), харизматичниот и помлад коцкар кој се разликува во едно нешто од него. Тој се кокца само затоа што сака, а не заради добивка. Верувајќи дека Кертис е „амајлија“ и дека ќе му донесе крај на губењето пари, Гери ќе го убеди помлладиот колега да заминат за Мисисипи и да си ја испробаат среќата во тамошните казина.
Покрај Бен и Рајан во останатите улоги ќе ги видиме и Сиена Милер, Алфри Вудард, Робин Вејгерт...
Премиерата на Mississippi Grind е закажана за 25-ти септември, а до тогаш погледнете го првиот трејлер.