Џонатан Левин во 2011-та година ни го претстави 50/50. Драма/комедијата со Сет Роген и Џозеф Гордон Левит, а сега истиот тим пред и зад камерата се враќа со нов филм.
The Night Before е името на комедијата која Левин ќе ни ја престави оваа зима, а повторно ги „собра“ старите соработници, Роген и Левит.
На двајцата актери во The Night Before ќе им се придружи и Ентони Меки, а во комедијата тројцата ќе бидат пријатели од детство кои секој Бадник го поминувале заедно во авантури низ градот. Сега се возрасни, со кариери и семејства, па затоа ќе се здружат заедно за последен пат да го имаат најдобриот Бадник пред да се вратат на секојдневието.
Левин покрај тоа што го режираше The Night Before, го напиша и сценариото, а покрај Левин, Роген и Меки во останатите улоги ќе ги видиме и Лизи Каплан, Минди Келинг, Џулијан Бејл.
Премиерата на The Night Before е закажана за 25-ти ноември оваа година.
Погледнете го трејлерот за The Night Before.