Продукцијата на Captain America: Civil War конечно заврши. По месеци поминати на повеќе локации низ Атланта, Порто Рико, Германија и Исланд, конечно во Лајпциг, Германија заврши снимањето на најновиот филм од Marvel.
Па затоа по повод последниот ден на снимање, дел од екипата предводена од самиот Капетан Америка (Крис Еванс) со мала коктел забава го прослави овој момент. На самиот коктел екипата на Civil War се забавуваше доцна во ноќ, а подоцна ги споделија и фотографиите од самата забава.
Civil War ќе ги следи настаните на Капетанот Америка и неговиот тим по тие од Avengers Age Of Ultron, а покрај стандардната актерска екипа од претходните 2 дела на Captain America, во третиот дел ќе видиме и дел ликовите од The Avengers, но и „додатоците/новајлии“ како Даниел Брул, Чедвик Боусман, Том Холанд како Питер Паркер.
Повторно зад камерата застанаа бражата Џо и Ентони Русо, а премиерата на Captain America: Civil War е закажана за 6-ми мај следната година.
Првиот тизер за Captain America: Civil War се очекува да биде објавен за фановите следниот месец, но додека го очекуваме погледнете како изгледаше забавата на Капетанот и неговата свита во Лајпциг.
