Кристен Стјуарт и Џеси Ејсенберг овој месец ни го претставија вториот заеднички проект, комедијата American Ultra, но моментално тие двајца ни го подготвуваат и третиот.
Актерите беа забележани на сетот во Беверли Хилс, како го снимаат за сега неименуваниот филм во режија на Вуди Ален. Костиминираната комедија на Ален ќе биде втора соработка на Џеси Ејсенбегр и Вуди (по To Rome With Love), а прва на Кристен со славниот режисер.
Двајцата актери пак за прв пат соработуваа заедно на комедијата Adventureland од 2009-та година која одлично беше прифатена од публиката и критичарите и која денес ужива на еден вид на „култен статус“.
Оваа година тие беа дел и од комедијата American Ultra, а премиерата на неименуваниот филм на Вуди Ален со двајцата актери е закажана за следната 2016-та година.
До тогаш погледнете како тече снимањето во Беверли Хилс.