Вес Крејвен, американскиот режисер попознат по филмовите во хорор жанрот почина синоќа на возраст од 76 години во Лос Анџелес.
Причина за смртта е тумор на мозокот, со кој се бореше веќе подолго време и поради кој тој се пензионира во 2011-та година. Последниот филм кој Крејвен го режираше беше 4-то протолжение на хорор филмот Scream, а покрај филмските дела во овој жанр тој застана зад камерата и во неколку филмови од повеќе други жанрови.
Како најдобри примери за тоа се научната фантастика, Swamp Thing, биографската драма Music of the Heart и крими трилерот Red Eye.
Мерил Стрип освои номинација за Оскар за Music of the Heart, а самиот филм денес се семта за еден од најдобрите во неговата кариера.
Вес Крејвен беше сопруг на Лиа Лабинка и татко на Џонатан и Џесика Крејвен, а покрај работата како режисер тој во Холивуд беше познат и како продуцент, сценарист и повремен актер.