Lynx Animation Studio, компанијата за 2D анимација и видео игри официјално денес беше отворено во Скопје. Основана од Марко Угарковиќ и Алан Кастиљо, Lynx Animation Studio започнува со работа со 24 вработени и со опција да расте и да се развива со нови уметници и проекти.
Линкс е студио кое се занимава со комплетно авторска продукција на висококвалитетна 2D анимација и видео игри, развој на оригинални идеи и трансмедијални проекти. Во пријатна атмосфера и „тура“ низ просториите во Маџари, Гонзалес и Угарковиќ ни објаснија дека иако соработуваат со интернационални тимови од Франција, Италија па и Кина, со Lynx сакаат да ги промовираат и македонските таленти во оваа област, па затоа голем дел од тимот е составен од микс на македонски млади надежни (и искусни) уметници.
Lynx Animation Studio веќе беше дел од Annecy, еден од најголемите филмски фестивали за анимација, но и на Cross Video Days, Европскиот маркет за дигитални содржини, а на прашањето зошто нивната примарна цел била создавање на 2D анимација, насместо 3D техниката која е исто така доста популарна:
-По истражувањето на пазарот одлучивме да се свртиме кон 2D анимацијата. Поле кое не е премногу користено во Македонија, бидејќи веќе има компанија (FX3X) која работи со 3D техника и специјални ефекти.
Lynx веќе може да ги претстави проектите John Vardar VS galaxy, вселенската опера креирана од Михајло Димитриевски (воедно надворешен соработник во Lynx), но и Nincow анимираната серија за која допрва ќе слушнете повеќе.