Првиот трејлер за The Lobster е конечно објавен и во него Колин Фарел е Дејвид во The Lobster, еден од најбизарните, но потенцијално одлични филмови на годината.
Дејвид е осамен човек од блиската иднина. Кога ќе дознае дека општеството во кое живее не е пријателски наклонето кон самците и сите кои не се во врска или во брак им дава ултиматум од 45 дена да пронајдат сопатник, тој ќе се фати за работа. Бидејќи секој кој нема да пронајде партнер, ќе се претвори во одредено животно. Тој ќе се превори во јастрог како што наговестува и самиот наслов на филмот. The Lobster веќе беше прикажан на Филмскиот фестивал во Кан каде доби одлични критики од критичарите и публиката.
Покрај Колин во филмот се појавуваат и Џон Си Рајли, Бен Вишоу, но и оскаровката Рејчел Вејз. Режисер на The Lobster е грчкиот режисер Јоргос Лантимос, а премиерата во Британија е закажана за 16-ти октомври.
Погледнете го првиот трејлер за необичниот The Lobster.