Метју Меконахи. Оскаровец и еден од најпосакуваните, сексапилни актери во Холивуд.
Според фотографиите од сетот на најновиот филм Gold, тој е се освен сексапилен. Актерот беше забележан на улиците на Њујорк со поинаков имиџ, поради кој папараци фотографите едвај го препознаа.
Со 10-на килограми екстра на себе, забна протеза и специјална перика на скалпот, тој изгледаше многу поинаку од вообичаено, и сето тоа е за потребите на најновиот филм.
Авантуристички трилер е во режија на Стивен Гахан во кој Метју ќе биде Кени Велс, кој е неуспешен бизнисмен од Њујорк. Заедно со геологот Мајкл Акоста (Едгар Рамирез) ќе се здружат и ќе заминат да бараат злато и разни други видови на природни богатства во џунглите во Индонезија.
Покрај Метју и Едгар во останатите улоги ќе ги видиме и Брајс Далас Хауард, Стејси Кич, Кори Строл и Тоби Кибел кого оваа година го погледнавме во римејкот Fantastic Four.
Точната дата на премиерата на Gold не е позната, но додека ја очекуваме погледнете го изгледот на Метју.
