На помалку од 2 месеци пред премиерата на The Hunger Games: Mockingjay Part 2 објавен е последниот трејлер пред финалето на филмската франшиза.
Полн со акција и емоции, најновиот трејлер го најавува последниот дел од филмската франшиза во кој Катнис Евердин (Џенифер Лоренс) ќе го направи последниот удар за симнувањето на Претседателот Сноу (Доналд Сатерленд). Со падот на Сноу ќе падне и диктатурата во Capitol, но борбата нема да биде лесна.
Покрај Лоренс во The Hunger Games: Mockingjay Part 2 ќе ги видиме и Џош Хачерсон, Џулијан Мур, Лијам Хемсворт, Гвендолин Кристи, Џена Малоун, Вуди Харлесон како и Филип Сејмур Хофман во последната улога која ја снима пред предвремената смрт.
Премиерата на The Hunger Games: Mockingjay Part 2 е закажана за 20-ти ноември, а до тогаш погледнете го последниот дел, повторно режиран од Френсис Лоренс.