Анет Бенинг, една од најдобрите актерки на нејзината генерација, следната година ќе ја видиме во неименуваниот проект на нејзиниот сопруг, Ворен Бити. Тоа ќе биде првиот заеднички проект за сопружниците по повеќе од две декади, поточно од Love Affair од 1994-та година.
Но, следната година Анет ќе ја видиме и во 20th Century Women, најновиот проект на режисерот Мајк Милс. Режисерот не само што застана зад камерата, го напиша и сценариото.
Продукцијата на 20th Century Women моментално се одвива во Пасадена, Калифорнија, а самата актерка беше забалежана од папараци фотографите како облечена во сив комбинезон ги снима последните сцени од филмот, во депресивно расположена. Но, тоа беше дел од нејзиниот лик кој го портретира во филмот.
Анет во 20th Century Women ќе биде Доротеа Филдс жена која заедно со уште две други жени од најразлична возраст ќе ја истражуваат слободата и ослободување од сексуалните предрасуди во 70-те години од 20-от век.
Покрај Анет во филмот ќе ги видиме и Били Крудуп, Ели Фенинг, Грета Хервиг, а премиерата е закажана за следната година.
Погледнете.
