Сара Џесика Паркер по пауза од 12 години повторно се враќа на „малите екрани“. Актерката која следниот месец ќе наполни 51 година, е дел од нова серија на HBO каналот, а таа веќе беше „уловена“ на улиците на Њујорк како ги снима сцените од најновите епизоди.
Најновиот проект на Сара е Divorce и тој ќе ја третира токму таа тема - разводот. Френис (Сара Џесика Паркер) ќе дознае дека нејзиниот сопруг Роберт (Томас Хенден Чрч) има афера и двајцата ќе започнат долга и тешка процедура на развод. Серијата ќе го следи рзводот на двајцата ликови од социо-економски, но и емоционален поглед, а покрај Сара и Томас во серијата ќе ги видиме и Талија Балсам, Моли Шенон, Стерлинг Џерис...
Сара всушност е среќно мажена жена и една од ретките во Холивуд која има стабилен брак кој трае веќе 18 години. Таа и сопругот Метју Бродерик се родители на 3 деца.
Премиерата на Divorce е закажана за оваа година, но не е специфицирана датата кога пилот епизодата ќе ја има својата премиера на HBO каналот.
До тогаш погледнете како тече снимањето на серијата.
