IDIVIDI: Бунтовничката без причина порасна

На Дру Баримур и беше судено да биде актерка и бунтовник без причина.

Родена во славната шоубизнис Баримур фамилија, уште додека беше во пелени заработуваше пари. Нејзината мајка ја носеше по аудиции на 11-месечна возраст, а тогаш ја доби и првата реклама.

Следеа мали улоги, а на 6-годишна возраст ја доби улогата во култниот класик на Стивен Спилберг E.T. Но, тоа беше и дете кое на возраст од само 7 години беше редовна гостинка во Studio 54 дискотеката, на возраст од 9 години започна да пуши цигари, на 10 марихуана а на 13 веќе беше зависна од кокаин.

Уште од основно школо, таа ги посетуваше центрите за рехабилитација, но по доаѓањето до дното и престојот во ментална институција се откажа од пороците и си ги врати животот и кариерата на прав пат.

Првиот позначаен филм кој го сними по обновувањето на кариерата беше Poison Ivy од 1992-ра година, а од тогаш па се до сега не само што е успешна катерка, туку и една од најуспешните продуценти во Холивуд.

Соработуваше со режисери од калибарот на Вуди Ален, Џонатан Каплан, Пени Маршал, Џоел Шумахер, Кеетис Хенсон, McG, Ричард Кели, Дени де Вито, Џорџ Клуни, а со Whip It и самата застана зад камерата.

Оваа недела објави дека се разведува од третиот сопруг, Вил Копелман, но и покрај разочарувањето во тој дел од приватниот живот таа е мајка на две ќерки: Олив и Френки.