Емили Блант според сите стандарди има сè што ќе посака. Фантастична кариера, супер семејство, стабилен брак со еден од најпосакуваните мажи не само во Холивуд, туку и воопшто (Џон Кразински).
Моментално е бремена со второ дете. Во пријателство е со највлијателните лица во САД од Барак Обама до Мерил Стрип, а да не споменуваме дека потекнува од едно од највлијателните и политички инволвираните семејства во В. Британија.
Охрабрена да се занимава со глума како лек за нејзината говорна маана со која се борела од раното дество, Емили го направи своето театарско деби во 2001-та година кога ја делеше сцената со примадоната на англиската глума, Џуди Денч.
Нејзината глума во драмата The Royal Family беше издвоена како една од најдобрите, а подоцна Емили беше прогласена за најдобар почетник.
Исто така малку актерки можат да се пофалат со тоа што успеале да глумат покрај Мерил Стрип во само вториот филм во кариерата, како што тоа и успеа на Емили во The Devil Wears Prada.
И иако многумина го сметаат Warrior Queen како нејзино филмско деби, всушност вистинското деби за Емили беше во My Summer of Love на одличниот Павел Павликовски.
Од тогаш таа соработува со режисерите од калибарот на Мајк Николс, Жан Марк Вали, Денис Виленвју, Ријан Џонсон, Ласе Халстром, Роб Маршал, Даг Лиман, а оваа година и со Тејт Тејлор во трилерот The Girl on the Train.
Но, кои се најдобрите филмови во кариерата на Емили Блант?
My Summer of Love- 2004
The Devil Wears Prada- 2006
The Jane Austen Book Club- 2007
Dan in Real Life- 2007
Charlie Wilson's War- 2007
Sunshine Cleaning- 2008
The Young Victoria- 2009
The Wolfman- 2010
The Adjustment Bureau- 2011
Salmon Fishing in the Yemen- 2011
Your Sister's Sister- 2011
Looper- 2012
Edge of Tomorrow- 2014
Into the Woods- 2015
Sicario- 2015
The Huntsman: Winter's War- 2016