Миа Васиковска е родена да биде уметничка душа. Како средно дете и втора ќерка на фотограф и сликар, колажист, Мија требаше да биде балерина, а не актерка.
Миа започнала со часовите за балет на возраст од 9 години, но се откажала од сонот дека еден ден ќе се види себе си на сцена на возраст од само 14 години. Сепак, таа и до ден денешен тврди дека напорниот тренинг и самоконтролата која ја вежбала за време на тренинзите и сега и помага да се смири при напорните аудиции.
Но, тоа е и воедно актерка која до возраст од 26 години колку што има сега, успеа да соработува со режисери од калибарот на Лиса Клоденко, Едвард Ѕвик, Тим Бартон, Кери Фукунага, Гас ван Сант, Џим Џармуш, Гиљермо дел Торо, Џон Хилкоут, Дејвид Кроненберг и Мира Наир.
Која актерка може да се пофали со пробив во Холивуд со два фантастични филмови во само една година? Со блокбастерот на Тим Бартон, Alice in Wonderland, но и со независниот филм кој изненадувачки беше хитот на 2010-та година, а заработи и 4 номинации за Оскар.
Миа во The Kids Are All Right глумеше покрај фантастичните Анет Бенинг, Џулијан Мур и Марк Рафало и тоа беше филмот кој ја стави на мапата како една од најдобрите и надежните актерки на кои треба да се внимава.
Оваа година, повторно ќе ја репризира улогата на Алиса во земјата на чудата во Alice Through the Looking Glass, но додека ја очекуваме во најновиот филм кои се филмовите во кои можете да ја погледнете Миа претходно:
Rogue- 2007
Defiance-2008
That Evening Sun- 2009
Amelia- 2009
Alice in Wonderland- 2010
The Kids Are All Right- 2010
Jane Eyre-2011
Albert Nobbs- 2011
Lawless- 2012
Stoker-2013
Only Lovers Left Alive- 2013
Tracks- 2013
The Double- 2013
Maps to the Stars -2014
Madame Bovary -2015
Crimson Peak- 2015
Alice Through the Looking Glass -2016