Сара Рамирез, актерката која во хит серијата Grey’s Anatomy ја толкува улогата на доктор Кали Торез потврди дека ќе си замине од продукцијата на самата серија.
По 10 сезони портретирајќи ја доктор Торез, Сара Рамирез ќе ја напушти серијата, а како причина за таквиот потег е одлуката да се посвети на семејството. Сара од 2012-та година е во брак со бизнис аналитичарот Рајан Деболт и според дел од американските медиуми планира наскоро да го прошири семејството.
Сезоната 12 од Grey’s Anatomy ќе биде последна за Рамирез во ликот кој го толкуваше во изминативе 10 години, а таа заедно со креаторката на серијата Шонда Рајмс отворија простор нејзиниот лик да се врати во понатамошниот тек, ако актерката посака да се врати во серијата.
Ликот на Кали Торез беше за прв пат претставен во 2-та сезона на Grey’s Anatomy, а воедно и претрпе повеќе измени и турбуленции низ текот на 10-те сезони.