Марго Роби следниот месец ќе ја видиме во The Legend of Tarzan, блокбастерот на режисерот Дејвид Јејтс.
Австралиската актерка која ја толкува улогата на Џејн Портер, сопругата на Тарзан, веќе откри пикантерии за самото снимање на филмот.
Во интервју за Buro247, актерката откри дека таа и Александар Скарсгард, актерот кој го портретира ликот на Тарзан имаат жешка секс сцена која станала и малку насилна.
Марго откри дека за време на снимањето на секс сцената во The Legend of Tarzan, таа го удрила Александар, но ударот не оставил последици кај него.
-Не го удрив силно Александар. Не го повредив. Тој е силен човек. Можеше да ме издржи, изјави Марго и додаде дека уживала во соработката со Александар Скарсгард на филмот.
The Legend of Tarzan беше снимен со буџет од 180 милиони долари, а покрај Александар и Марго во него ќе ги видиме и Самуел Л. Џексон, Кристоф Валц, Џон Хрт, Џим Бродбент...
Премиерата на The Legend of Tarzan е закажана за 1-ви јули.