Westworld, римејкот на истоимениот филм од 1973-та година оваа година ќе пристигне на „малите екрани“ во форма на серија, а сега се објави и првиот тизер.
Една од најочекуваните серии за оваа година конечно го доби и првиот видео промотивен материјал во форма на прв тизер трејлер, а како креатори на самата серија овој пат се јавуваат Лиса Џој и Џонатан Нолан, братот на Кристофер Нолан.
СФ/трилер серијата која ќе се прикажува кон крајот на годинава на HBO каналот, во главните улоги ќе има микс на легенди и млади актери, а предводник на актерската екипа ќе биде Оскаровецот Ентони Хопкинс.
Покрај Хопкинс во серијата ќе ги видиме и Џејмс Марсден, Еван Рејчел Вуд, Тенди Њутон, Џефри Рајт, Теса Томпсон и бразилскиот актер Родриго Санторо.
Точната дата за премиерата на првата епизода не е објавена, но затоа пак е познато дека меѓу еден од продуцентите е и режисерот Џеј Џеј Ејбрајмс.
Погледнете.