Тензичниот прв тизер за Divorce, најновата серија со Сара Џесика Паркер во главната улога е конечно објавен. Divorce ќе биде враќање на Сара Џесика Паркер на малите екрани по 2004-та година, т.е по завршување на култната серија Sex and the City. Како и на Sex and the City, така и сега за Divorce, Сара ќе соработува со HBO каналот, а самата актерка е и еден од продуцентите на најновиот проект.
Како што кажува и самиот наслов, Divorce, серијата ќе ја третира токму таа тема - разводот. Френис (Сара Џесика Паркер) ќе дознае дека нејзиниот сопруг Роберт (Томас Хенден Чрч) има афера и двајцата ќе започнат долга и тешка процедура на развод. Серијата ќе го следи разводот на двајцата ликови од социо-економски, но и емоционален поглед, а покрај Сара и Томас во серијата ќе ги видиме и Талија Балсам, Моли Шенон, Стерлинг Џерис...
И покрај тоа што точната дата на премиерата на првата епизода не е позната, знаеме дека првата сезона ќе се состои од 10 епизоди, сите создадени од HBO каналот.
Погледнете го тизерот за Divorce.