Серијата „Винил“, чии продуценти се Мартин Скорсезе и Мик Џегер, нема да има втора сезона.
HBO се откажа од снимање на втора сезона, иако во февруари најави продолжение.
- Откако внимателно размисливме одлучивме да не продолжуваме со втора сезона на „Винил“. Сигурно не ни беше лесно. Ги почитуваме авторската екипа и актерите за нивната сериозна работа и страста што ја вложија во проектот, се наведува во соопштението на HBO.
Серијата не доби добри оценки од критиката, а рејтингот и е изненадувачки низок.