Бриџит Џонс пристигнува по трет пат во кино салите оваа година, но на само неколку месеци пред премиерата, сега пристигна и првиот официјален трејлер.
Во третиот дел од сагата за Бриџит, насловен Bridget Jones’s Baby главната хероина сега е повторно сингл. Таа ја прекина врската со Марк Дарси (Колин Фирт), но во животот на Бриџит ќе пристигне шармантниот Американец Џек (Патрик Демпси). Кога таа неочекувано ќе затрудни, ќе ја започне мисијата да открие кој е биолошкиот татко на бебето, но и да открие кој е навистина нејзината „сродна душа“.
Покрај Рене Зелвегер во насловната улога, Колин Фирт, Патрик Демпси во Bridget Jones’s Baby ќе ги видиме и Селија Имри, Сара Солемани, Џим Бродбент...
Режисер на Bridget Jones’s Baby е Шерон Мегваер, а премиерата може да ја очекуваме на 16-ти септември. Погледнете го официјалниот трејлер до тогаш.