IDIVIDI: Мила стана „лоша мама“

Мила Кунис ја започна кариерата во Холивуд како и многу други актери, во раното детство.

Ќерката на украински имигранти, таа во едно интервју призна дека кога започнала да посетува училиште во САД, поточно Лос Анџелес не знаела ниту збор на англиски, а самото гледање на телевизија и програмите како The Price Is Right и помогнале да го совлада јазикот.

Во тој период нејзините родители започнале да ја носат на аудиции за реклами и ТВ сериии и иако фановите најдорбо ја познаваат по нејзината улога во култната хумористична серија That '70s Show, Мила во истата 1998-ма година (кога се појави самата серија) глумеше и во ТВ филмот GIA.

Таа ја портретираше помладата верзија на Џија Канарџи, манекенката која трагично почина од СИДА по долгата борба со пороците. Каранџи беше глумена од Анџелина Џоли, додека пак Мила Кунис ја портретираше Џија во флеш бек сцените од детството.

Иако позната по комичните улоги, Мила со појавувањето во филмовите како Black Swan, Max Payne, Oz the Great and Powerful и Jupiter Ascending докажа дека знае да препознае проекти кои се надвор од жанрот комедија.

Black Swan и ја донесе првата номинација за Златен глобус, но и соработка со режисер како Дарен Аронофски, но и покрај тие од калибарот на Сем Реими и сестрите Вачовски, голем дел од нејзините филмови не го добија посакуваниот ефект од публиката.

Оваа година Мила се врати на жанрот кој и е најдобро познат, комедијата со филмот Bad Moms.