Ема Стоун и Рајан Гослинг по трет пат во кариерата ќе се појават во заеднички филмски проект La La Land.
Режиран и напишан од одличниот Демиен Шезел (авторот зад Оскаровскиот Whiplash), овогодинешниот La La Land ќе биде мјузикл сместен во Лос Анџелес.
Ема Стоун во La La Land ќе биде Миа, келнерка со аспирации да стане актерка, додека пак Рајан ќе биде џез пијанистот Себастијан . Двајцата ќе се вљубат, но притисоците од очекувањата, нивните професии и стресот од животот во Лос Анџелес ќе ја тестираат нивната врска.
Покрај Ема и Рајан во La La Land ќе ги видиме и Фин Витрок, Џеј Кеј Симонс, Роузмари Девит и пејачот Џон Леџенд.
La La Land оваа есен ќе биде прикажан на филмските фестивали во Венеција и Торонто, а кино премиерата ја очекуваме на 16-ти декември.
Шезел моментално е номиниран за 2 награди на Филмскиот фестивал во Венеција за овој филм, а додека го очекуваме во кино салите погледнете го Audition тизерот за La La Land.