Лили Роуз Деп, ќерката на Џони Деп и Ванеса Парадис почна да ја гради актерската кариера, и по појавувањето во хорор комедијата на Кевин Смит, Yoga Hosers оваа година ќе ја видиме покрај Оскаровката Натали Портман.
Лили и Натали во Planetarium ќе портретираат сестри кои веруваат дека поседуваат дарба да комуницираат со духовите. Двете ќе тргнат на необично патување до Париз за да работат во забавната индустрија, а што ќе се случи таму ќе дознаеме по гледањето на филмот.
Премиерата на Planetarium во Франција е закажана за ноември оваа година, но не е позната датата за премиерата на филмот во режија на Ребека Злотовски во САД.
Покрај Лили и Натали во Planetarium ќе ги видиме и Амира Касар, Емануел Селинџер и Луис Герел.
Погледнете го трејлерот за Planetarium.