Нов месец и нови одлични проекти нè очекуваат во септември. Еден од нив е StartUp, оригиналната ТВ серија во продукција на Crackle, популарниот он лајн дистрибутер на веб серии.
Возбудлива и тензична драма со фантастичниот Мартин Фримен, кој по паузата од емитувањето на сериите како Sherlock и Fargo ќе се врати на малите екрани. Англискиот актер сега во StartUp, ќе го портретира ФБИ агентот Фил Риск.
Агентот Риск е испратен во Мајами да го истражи потенцијалното нелегално создавање на GenCoin, контроверзната дигитална валута. Тој го истражува организираниот криминал, технолошките иновации и прикривањето на данок во радиус на само неколку километри од сончевиот Мајами.
Покрај Мартин во StartUp, ќе ги видиме и Адам Броди, Отмара Мареро, Еди Гатенги, Келвин Харисон Џуниор, а самата серија е креирана од Бен Кетаи.
Првата сезона ќе се состои од 10 епизоди, а премиерата на 1-та епизода е закажана за 6-ти септември.
Погледнете го трејлерот за StartUp.