Овен Вилсон оваа година го видовме во продолжението на Zoolander, но веќе следната 2017-та тој повторно ќе се врати на добро познатиот жанр на филмови.
Тој и Ед Хелмс во Bastards, комедијата во режија на Лоренс Шер ќе толкуваат браќа близнаци кои на зрела возраст ќе дознаат дека нивната мајка ги лажела за идентитет на нивниот татко. Па затоа двајцата ќе заминат на патување за да го пронајдат.
Глен Клоуз ќе ја портретиран мајката на браќата, а во останатите улоги ќе ги видиме Џеј Кеј Симонс, Тери Бредшоу и Винг Рејмс.
Премиерата на Bastards е закажана за 27-ми јануари следната година, а ова е првиот официјален трејлер.