Кифер Сатерленд фановите најмногу го препознаваат по улогата на агентот Џек Бауер во хит трилер серијата 24, но оваа недела актерот се враќа на малите екрани со нова серија.
Designated Survivor е името на трилер серијата креирана од Дејвид Гугенхајм која утре ќе ја има премиерата на првата епизода. Во Designated Survivor, актерот Кифер ќе биде Том Киркман.
Тој сега е член на кабинетот на САД одговорен за урбано планирање. Но, кога експлозија ќе ги убие сите членови на кабинетот на претседателот на САД (вклучувајќи го и претседателот), тој ќе остане единствениот преживеан од тој кабинет и де-факто нов назначен претседател.
Покрај Кифер во Designated Survivor ќе ги видиме и одличните Наташа Мекелхорн, Адан Канто, Кал Пен, Меги Кју и Вирџинија Медсен.
Премиерата на Designated Survivor е закажана за утре на ABC каналот, а ова е промо материјалот кој ќе треба да го погледнете претходно.