Специјалните владини агенти Валеријан (Ден Дехан) и Лаурелин (Кара Делевињ) имаат задача да го одржуваат редот во целата вселена. Но, Валеријан исто така во план го има и романтичниот однос со својата партнерка, но таа не сака да се впушти во врска поради неговата историја со жените.
Според наредбите на заповедникот Арун Филит (Клив Овен), Валеријан и Лаурелин се пратени во меѓугалаксичкиот град Алфа кој се состои од низа планети. Иако се работи за место кое има милиони жители, некои од нив немаат добри намери и со своите потези ќе го доведат целиот град Алфа во опасност.
Режисер и сценарист на филмот „Valerian and the City of Thousand Planets“ е фантастичниот Лук Бесон, кој ја внел и Ријана во филмот, за што е многу возбуден. Овој блокбастер се очекува да пристигне во киносалите идното лето, а до тогаш погледнете го првиот трејлер.