Италијанскиот секс симбол, актерката Моника Белучи лани го привлече вниманието како највозрасната „Бонд девојка“ во 007 серијалот филмови, а сега таа уште еднаш покажа дека за жените годините може да бидат само еден обичен број.
Имено, 52-годишната заводничка се појави во пет епизоди телевизиската драма „Моцарт во џунглата“, каде има експлицитни љубовни сцени со својот помлад колега, Мексиканецот Гаел Гарсија Бернал.
Фановите коментираат дека таа апсолутно го оправдала изборот на сценаристот Роман Копола.
- Беше автентична, своја... Италијанка е, страствена е и очигледно доста убава, динамична и интересна. Не ми требаше многу размислување (околу нејзин ангажман), рече Копола.
Интересно е да се наспомене дека токму тој во 1992 го наговорил својот татко, легендата на „седмата уметност“, Френсис Форд Копола, да ја ангажира италијанската убавица за филмот „Дракула“.