ИДЕАЛНИ ЗА ЛАДНИТЕ ДЕНОВИЗимски филмови што ќе ве згреатСо оглед на ниските температури и ладното време надвор, на никого не му се излегува, освен ако имаме некоја обврска која никако не смееме да ја одложиме. Откако ни завршува работното време, брзаме да стигнеме дома на топло и цела вечер ја поминуваме стуткани под ќебе. За да не ви биде досадно, ви предлагаме листа од 10 филмови, кои ќе ве стоплат со нивните приказни.
The Holiday
Романтична комедија во која паровите Камерон Дијаз и Џуд Ло како и Кејт Винслет и Џек Бек поминуваат време на два краја од светот – Англија и Калифорнија. Како што овие градови изгледаат различно на крајот на годината, така и нивните животи се различни, но тоа нема да ги спречи да ги поминат празниците како што треба.
Friends with Kids
Станува збор за филм од 2011 година, што ја раскажува приказната за сложените фамилијарни заплети и расплети. Овој филм се најде на оваа листа токму поради тоа што Њујорк во есен и во зима е посебна инспирација за сите љубители на филмови, особено оние романтичните души. Адам Скор, Џон Хам, Мај Рудолф и Кристен Виг поминуваат низ различни подеми и падови.
Groundhog Day
Речиси е невозможно овој филм да не сте го гледале, затоа што сите ја сакаме глумата на Бил Мареј. Комичните ситуации во неговото секојдневие ќе успеат да ве затоплат!
Happy Feet
Приказната е сместена на Антарктикот, но зимата изгледа многу убаво, кога се работи за овие пингвини, кои постојано играат и пеат. Дури и возрасните ќе може да уживаат во нивната приказна и тоа во кругот на целото семејство.
Serendipity
Многумина решиле да започнат посериозна врска со партнерот, откако го изгледале овој филм. Истиот може да го најдете на речиси секоја листа на романтични филмови, а се најде токму и на оваа поради приказната која е сместена во зима.
Planes, Trains and Automobiles
Овој филм е мошне стар, па можеби и веќе сте го гледале, но доколку ви се допаднал, не е лошо да го погледнете повторно. Комичарите Стив Мартин и Џон Кенди успеваат да објаснат што значи сообраќаен метеж за време на празниците. За оние кои доста патуваат и не сакаат за време на тие патувања да се дружат со непознати луѓе, овој филм би бил одлична празнична шала.
Harry Potter
Серијалот за Хари Потер, како и дружењето со Рон и Хермиона никогаш нема да ве разочараат. Многумина го изгледале многупати и успеале да ги прочитаат сите книги за оваа приказна, но доколку не сте дел од тие луѓе, слободно погледнете го.
Little Women
Филмот е сниман според романот на Луиз Мај Алкот, кој стана задолжителна лектира за секоја млада жена. Токму по глумата во овој филм, многу актерки ја започнаа својата кариера и стигнаа до Холивуд.
Bridget Jones’s Diary
Бриџит Џонес, сега има и трет дел, кој доколку не сте го погледнале може да го погледнете. Исто така, може да си направите маратон па да ги изгледате сите делови за животот на оваа жена.
|