Долгоочекуваното продолжение на „Blade Runner“ ќе биде прикажано дури следната година, а сега ја имаме честа да го погледнеме првиот трејлер.
- Триесет години по случувањата од првиот дел, новиот блејд ранер, полицаецот К (Рајан Гослинг) открива долго чувана тајна, која би можела да го претвори во хаос сето она што останало во општеството.
К тргнува во потрага за Рик Декард (Харисон Форд), поранешен блејд ранер, кој исчезнал пред 30 години, стои во синопсисот за филмот.
Режисерот Дени Вилнев вели дека во филмот нема да потврди дали Декард е всушност репликант или човек.
- Пред сè, невозможно е овој филм да биде на ниво на оригиналот, призна тој.
- Тоа е Ридли Скот. Тоа е ремек-дело. Тоа е еден од најдобрите научно-фантастични филмови и еден од најдобрите филмови воопшто во последните 50 години.
Сепак, се надева дека ќе му даде посебен живот.
Премиерата е закажана за 6 октомври идната година.