Многу обожаватели, односно обожавателки, ќе се разочараат од оваа вест. Актерот Мајкл Фасбендер одлучи на подолго време да го напушти светот на актерството. Последните проекти во кој ќе го гледаме се „Alien: Covenant“, „The Snowman“ и „Assassin’s Creed“, чија премиера се очекува на 29 декември.
Овој 39-годишен актер, во едно интервју за Time Out изјави дека станал воркахолик и дека е презафатен, па сега му дошло време за одмор.
- Последните пет години само работев. Глумев од филм во филм, изјави Мајкл, кој го гледавме во филмовите „Steve Jobs“, „X-Men“, „Macbeth“...
Исто така кажа дека е прилично одлучен за ова, па дури и размислува засекогаш да се откаже од актерството. Ништо не е официјално потврдено, но според филмските критичари, филмот „Assassin’s Creed“ е тотално промашување, па можеби токму тоа ќе биде доволно за тој повеќе да не се појави на филмското платно.