Скарлет Јохансон се најде на врвот на листата актери кои имаат најголема заработка во продажбата на филмски карти во 2016 година, според магазинот Forbes.
Оваа година ја видовме во „Captain America: Civil War“ и „Hail, Caesar!“, при што на овие филмови се заработени 1.2 милијарди долари ширум светот.
Нејзините партнери во филмот „Captain America: Civil War“, Крис Еванс и Роберт Дауни Џуниот заедно го делат второто место со заработка од 1.15 милијарди долари.
Минатата година, на врвот на листата се најде Крис Прат, а во 2014 година, најголема заработка имаше Џенифер Лоренс. Forbеs ја прави оваа листа преку собирање на приходите од продажбата на картите ширум светот, користејќи податоци од специјалниот сајт „Box Office Mojo“.
Заедно со Скарлет се најдоа и Маргот Роби со заработка од 746 милиони долари, како и Ејми Адамс, која ја видовме во филмовите „Arrival“ и „Betman vs Supermen“. Исто така, на оваа листа се најде и Фелисити Џоунс со 805 милиони долари, која се појави во „Rogue one: A Star Wars Story“, „A Monster Calls“ и „Inferno“.