Меѓународниот филмски фестивал Berlinale започна вчера во главниот град на Германија, но со политичка конотација, бидејќи на отворањето актерите го споменаа американскиот претседател Доналд Трамп.
Изгледа дека Доналд навистина на секој еден му го привлекува вниманието со неговите активности.
Актерката Меги Џиленхол изјави дека САД има многу граѓани кои се подготвени да пружат отпор на новиот претседател, додека пак мексиканскиот актер Диего Луна рече дека е против градењето на ѕид на американско-мексиканската граница.
- Сакам да ги разгледам начините за рушење на ѕидови и знам дека има стручњаци за тоа овде во Берлин, изјави Луна.
На овој фестивал се натпреваруваат 18 филмови за статуетката Златна мечка, која ќе биде доделена на 18 февруари, односно на последната вечер од фестивалот. Ќе бидат прикажани 400 филмови од 70 земји.
Претседател на жирито е холандскиот режисер Пол Верховен, познат по филмовите „Робокап“ и „Ниски страсти“.