Синоќа се одржаа MTV филмски и телевизиски награди, каде што најдобра беше Ема Вотсон. Домаќин на шоуто беше комедијантот и актер Адам Девин, кој се појави на сцена како ѕверот од „Убавицата и ѕверот“.
Ема Вотсон, која ја глуми убавицата Бела во истиот филм ја зема наградата за најдобра актерка.
- Мислам дека ја добив оваа награда поради тоа која е Бела и што претставува таа. Негативците во нашата бајка сакаа да ја натераат Бела да поверува дека светот е помал отколку што таа мисли, со многу помалку можности. Сакам да глумам некој кој не слуша такви работи, изјави Ема кога ја примаше наградата.
На крај додаде дека е навистина горда што за прв пат MTV организираат награди каде што не постојат родови поделби.
Најдобар филм беше прогласен „Убавицата и ѕверот“, додека новото шоу на Netflix „Stranger Things“ ја доби наградата за најдобро шоу на годината.
Целосна листа на победници
Филм на годината: Beauty and the Beast
Најдобар актер: Ема Вотсон во „Beauty and the Beast“
Шоу на годината: Stranger Things
Најдобар актер во шоу: Мили Боби Браун во „Stranger Things“
Најдобар бакнеж: Ештон Сандерс и Џарел Џером во „Moonlight“
Најдобар негативец: Џефри Дин Морган во „The Walking Dead“
Најдобар домаќин: Тревор Ноа во „The Daily Show“
Најдобар документарец: 13TH
Најдобро реално шоу: RuPaul’s Drag Race
Најдобар комедијант: Лил Рел Ховери во „Get Out“
Најдобар херој: Тараџи Хенсон во „Hidden Figures“
Најдобар момент кој не расплакал: „This Is Us“ (Џек (Мило Вентимиља) и Рендал (Луни Чавис) додека играат карате)
Најдобро дуо: Хју Џекмен и Дафне Кин во „Logan“
Најдобра американска приказна: Black-ish
Најдобра приказна која се бори против системот: Hidden Figures