Гај Ричи е познат како режисер кој секогаш изненадува со својот стил, како и по своето интересно „доделување“ на улоги. Па така, една улога во неговиот најнов проект, филмот „King Arthur“, ја додели на легендарниот фудбалер Дејвид Бекам.
Во овој епско фантастичен и акционен филм со Чарли Хунам во главната улога, ќе го гледаме патувањето на Артур од живот на улица до седнување на престолот. Но, патот до престолот и до епскиот меч Екскалибур нема да биде едноставен, бидејќи на патот на Артур ќе се испречи токму фудбалерот, кој ја толкува улогата на Тригер.
За да не ви откриваме повеќе, слободно упатете се кон кино салите каде што се прикажува филмот и дознајте ја приказната за кралот Артур.