Познатиот Сер Роџер Мур замина во легендите. Актерот кој ќе го запаметиме како еден од најуспешните актери кои се нашле во улогата на тајниот агент, Џејмс Бонд, по кратко боледување од рак, денес почина на 89-годишна возраст.
-Со тешко срце соопштуваме дека нашиот сакан татко Роџер Мур, денеска почина во Швајцарија по кратка,но храбра борба со ракот. Љубовта со која беше опкружен во неговите последни денови беше толку голема што не може да се опише со зборови. Знаеме дека нашата љубов и восхит ќе се зголемат илјадници пати од страна на луѓето од целиот свет кои го познаваа преку неговите филмови, неговите телевизиски шоуа и неговата страсна работа за УНИЦЕФ, која ја сметаше за свое најголемо достигнување, се вели во соопштението од неговото семејство.
Мур беше дел од Бонд серијалот 12 години откако за прв пат се појави во улогата на агентот 007 во 1973-та.
