Пред нас е продолжен викенд и високи температури. Ако не планирате да одите некаде да се разладите на море или на езеро, може слободно да седите во вашиот удобен дом, да се разладувате со ладни пијалаци и да гледате серии. Ви предлагаме четири серии, кои моментално се мошне актуелни:
This Is Us
Со само една сезона, оваа серија стана вистински хит, а ќе ве придобие уште со првата епизода. Ликовите се изградени до најситни детали, а животите им се поврзуваат на многу неочекувани начини. Тие имаат исти проблеми и несигурности како и повеќето од нас, па едноставно ќе се пронајдеме во многу сцени.
Big Little Lies
Богато друштво, фамилии, врски и мистериозно убиство се темите во новата минисерија со Рис Витерспун и Никол Кидман во главните улоги. Првата сезона на серијата е мошне добро прифатена од гледачите, кои со нетрпение чекаат да ја објават и втората сезона.
Twin Peaks
Култната серија од 90-тите години, по 25 години се врати на малите екрани. Верната публика ги дочека епизодите на оваа мрачна серија, чија бизарна атмосфера е она што беше клучно да ги освои нивните симпатии.
Orange is the New BlackНеодамна стигна и петтата сезона на популарната серија која ги следи животите на жените во женски затвор. Оние кои ја погледнаа новата сезона велат дека се работи за најдобрата сезона до сега, па токму затоа ви ја препорачуваме и вам. Серијата е преполна со добар хумор и генијални заплети.