Магазинот „Entertainment Weekly“ објави фотографии од снимањето на филмот „A Wrinkle in Time“, во кој глуми Опра Винфри. Филмот е преработка на научно фантастична книга од Маделин Лигл од 1962 година.
Во него се раскажува приказната за една девојка наречена Мег (Сторм Рејд), која патува низ времето и просторот, благодарение на помошта од три мистични мудри жени (Опра Винфри, Риз Витерспун и Минди Калинг). Мег се обидува да го пронајде својот татко научник (Крис Пајн), кој исчезнал.
Филмот „A Wrinkle in Time“ ќе биде промовиран идната година во март, а првиот трејлер ќе биде објавен овој месец.