Конечно ја дочекавме првата епизода од седмата сезона на „Game of Thrones“, која ги сруши речиси сите рекорди. Но, со оглед на популарноста на серијата, воопшто не сме изненадени.
Од кога постои Twitter, токму во периодот кога се емитуваше премиерата има напишано најмногу твитови, односно над 2.4 милиони. Ова е особено неверојатно, бидејќи самата серија си сруши свои рекорди од претходните твитови за време на епизодите „The Rains of Castamere“ и „The Red Woman“.
Најмногу се твитало за ликовите вклучувајќи ги Арја Старк, Дајнерис Таргарјен и Церсеј Ланистер. Но, исто така големо внимание привлече и Ед Ширан со неговото појавување во серијата.
HBO ја зголемил својата гледаност за неверојатни 50%, благодарение на 16.1 милион гледачи на епизодата „Dragonstone“. Исто така, епизодата била најгледана премиера која некогаш се емитувала на HBO.