Прашањето дали Даниел Крег уште еднаш ќе се појави во улогата на тајниот агент 007 изгледа дека конечно доби одговор.
Еон продукцијата, која што е задолжена за филмот, објави дека 25-от Бонд филм ќе ја има својата премиера на 8-ми ноември, 2019-та, што значи дека се финализирани и последните детали околу снимањето.
Според New York Times, Крег повторно ќе се најде во улогата на Џејмс Бонд и покрај тоа што по завршувањето на последниот филм изјави дека попрво би си ги исекол вените отколку да ја репризира улогата.
Во изминатиот период се шпекулираше со многу имиња кои би можеле да го заменат Даниел, меѓу кои и Идриз Елба и Том Хидлстон. Сепак, после последните информации, замената ќе мора да почека.
Продукцијата направи сè во своја моќ да го врати Крег во ликот на Бонд, поради тоа што актерот му даде пореалистичен и приземјен изглед на тајниот агент.