Претседателот на HBO, Кејси Блоис откри детали за последната сезона на серијата „Game of Thrones“. Тој сподели дека осмата сезона на хит серијата веќе е напишана и ќе се состои од само шест епизоди.
Што се однесува до должината на епизодите од последната сезона, тој кажа дека секоја епизода ќе биде долга.
- Продуцентите зборуваа за должината на епизодите, претпоставувам дека ќе бидат долги, но не многу, околу 80 минути секоја епизода. Не сме дискутирале заедно за тоа. Два часа од епизода изгледа дека е многу долго, но со оглед на популарноста на шоуто, кој знае, може ќе бидат доволни, изјави Кејси.
Осмата сезона ќе започне да се снима во септември оваа година, но се уште ништо не е познато за тоа кога ќе ја објават. Тој откри дека мора да помине барем една година од седмата сезона до објавувањето на осмата сезона.